ट्याक्टरको ठक्करबाट स्कुटी चालकको मृत्यु, एक घाइते

कपिलवस्तुको तौलिहवा–चार नम्बर सडकखण्डअन्तर्गत वाणगंगा नगरपालिका–४ गजेहडा चोकनजिक ट्याक्टरको ठक्करबाट स्कुटी चालकको मृत्यु भएको छ भने एक जना घाइते भएका छन्।

बुधबार दिउँसो करिब ४ बजे गजेहडाबाट सिउटीतर्फ जाँदै गरेको लु.प्र.०१–०१२ प १२६५ नम्बरको स्कुटीले सोही दिशातर्फ जाँदै गरेको लु.३ त ७३८३ नम्बरको ट्याक्टरलाई ओभरटेक गर्ने क्रममा विपरीत दिशाबाट आएको लु.प्र.०१–००९ प २४०२ नम्बरको ई–स्कुटीसँग ठोक्किएको थियो।