अब राहदानी र भिसा मोबाइलमै, डिजिटल अभिलेखलाई आधिकारिक मान्यता

काठमाडौं । अध्यागमन विभागले विदेशी नागरिकका लागि मोबाइल एपमा उपलब्ध डिजिटल राहदानी, भिसा तथा अन्य अभिलेखलाई आधिकारिक मान्यता दिने व्यवस्था अघि बढाएको छ ।

विभागले बुधबार काठमाडौंमा पत्रकार सम्मेलन गर्दै विदेशी पर्यटकले नेपालमा रहँदा विभिन्न सेवाका क्रममा भौतिक राहदानी तथा भिसा बोक्नुपर्ने झन्झट हटाउने उद्देश्यले यस्तो व्यवस्था प्रस्ताव गरिएको जनाएको हो ।