काठमाडौं, ललितपुर र भक्तपुरमा कार्यरत ट्राफिक प्रहरीलाई ड्युटीका क्रममा नागरिकसँग हात नमिलाई ‘नमस्कार’ गरी सम्बोधन गर्न निर्देशन

काठमाडौं उपत्यका ट्राफिक प्रहरी कार्यालयले काठमाडौं, ललितपुर र भक्तपुरमा कार्यरत ट्राफिक प्रहरीलाई ड्युटीका क्रममा नागरिकसँग हात नमिलाई ‘नमस्कार’ गरी सम्बोधन गर्न निर्देशन दिएको छ।

कार्यालयका अनुसार सडकमा ड्युटीका बेला हात मिलाउँदा अशोभनीय देखिने भएकाले नागरिकप्रति सम्मान र व्यावसायिक व्यवहार अभिवृद्धि गर्न यस्तो व्यवस्था लागू गरिएको हो। एसपी नरेशराज सुवेदीले नागरिकलाई आदरपूर्वक नमस्कार गरी सम्बोधन गर्न सबै ट्राफिक प्रहरीलाई सर्कुलर गरिएको जानकारी दिएका छन्।