केन्द्रीय समिति निर्वाचन बुधबार राति साढे १० बजेदेखि बिहीबार बिहान १० बजेसम्म

काठमाडौं । राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशन अन्तर्गत हुने केन्द्रीय समिति निर्वाचनको मतदान बुधबार राति साढे १० बजेदेखि सुरु भई भोलि बिहान १० बजेसम्म सञ्चालन भएको छ। यसअघि १० बजेदेखि नै निर्वाचन हुने भनिएको थियो ।

निर्धारित समयभित्र व्यवस्थित, पारदर्शी र निष्पक्ष रूपमा मतदान सम्पन्न गराउन आवश्यक सम्पूर्ण तयारी पूरा गरिएको पार्टीको केन्द्रीय निर्वाचन आयोगले जारी गरेको सूचनामा उल्लेख गरिएको छ ।

आयोगले सबै प्रतिनिधिहरूलाई तोकिएको समयभित्र आफ्नो मताधिकार प्रयोग गर्न आग्रह गरेको छ।