मानसिक स्वास्थ्य प्रणाली सुदृढ बनाउन नेपाल सरकार र संयुक्त राष्ट्रसंघबीच सहकार्य

नेपाल सरकार र संयुक्त राष्ट्रसंघले ‘संयुक्त राष्ट्रसंघीय संयुक्त मानसिक स्वास्थ्य सहयोग कार्यक्रम (२०२५–२०२८)’ को औपचारिक शुभारम्भ गरेका छन् । तीन वर्षे यस पहलले नेपालको मानसिक स्वास्थ्य प्रणालीलाई सुदृढ बनाउने तथा संघ, प्रदेश र स्थानीय तहमा गुणस्तरीय मानसिक स्वास्थ्य एवं मनोसामाजिक सहयोग सेवामा पहुँच विस्तार गर्ने लक्ष्य राखेको छ ।

कार्यक्रमलाई स्विट्जरल्यान्ड सरकारले स्विस विकास सहयोगमार्फत वित्तीय सहयोग गरेको छ । संयुक्त राष्ट्रसंघीय आवासीय संयोजकको कार्यालय, यूएनएफपीए, युनिसेफ र डब्लूएचओले संयुक्त रूपमा कार्यक्रम कार्यान्वयन गर्नेछन् ।