मुम्बईमा भेटिएकी मनकी पारिजात!

अनिच्छित भागदौड छ यत्रतत्र, अस्पतालभरि नै। लगभग सबैका उस्तै खाले मलीन र उग्लिएका चेहरामा अनपेक्षित धाइफाल देखिन्छ। आआफ्ना दुर्दशाबीच पनि हुन्छ परिचय आदानप्रदान। आखिर दिन–रात त काट्नु नै छ के खबर आऊला डक्टरका तर्फबाट भन्ने पट्यारिलो प्रतीक्षाबीच।

'एक जना नेपाली पनि आउनुभएको रहेछ नि यहाँ,' किञ्चित उज्यालो अनुहार लगाउँदै एकबिहानै हरि भन्छन्।