बिजुली उत्पादनमा सरकारको महत्त्वाकाङ्क्षा

काठमाडौँ । सरकारले जलविद्युत उत्पादनतर्फ आगामी वर्षका लागि महत्त्वाकाङ्क्षी योजना अघि सारेको छ । आर्थिक समृद्धिको मुख्य आधारका रूपमा जलविद्युतलाई अघि सार्दै महत्त्वाकाङ्क्षी लक्ष्य तय गरेको हो ।

अर्थमन्त्री वर्षमान पुनले आगामी वर्ष ९०० मेगावाट बिजुली राष्ट्रिय प्रसारणलाईनमा जडान गर्ने घोषणा गरे । पुनको घोषणाअनुसार आगामी वर्ष राष्ट्रिय प्रसारणलाईनमा ९०० मेगावाट बिजुली जोडिन मुस्किल छैन । किनकि, पछिल्ला २/३ वर्षयता ६०० देखि ८०० मेगावाटसम्म बिजुली उत्पादन भइरहेको छ ।