उद्योग विभागको महानिर्देशकमा श्रेष्ठलाई जिम्मेवारी, बस्नेत मन्त्रालय तानिए

काठमाडौं। उद्योग, वाणिज्य तथा आपूर्ति मन्त्रालय मातहतको उद्योग विभागको महानिर्देशक फेरिएका छन्। विभागका महानिर्देशक जितेन्द्र बस्नेतलाई मन्त्रालयमा तान्दै कल्पना श्रेष्ठलाई महानिर्देशकको जिम्मेवारी दिइएको छ। महानिर्देशकको जिम्मेवारी दिएसँगै श्रेष्ठले जिम्मेवारी सम्हालिसकेकी छन्।

श्रेष्ठले डोटी, नवलपरासी, इलाम, खोटाङ जस्ता जिल्लाको प्रमुख जिल्ला अधिकारीको जिम्मेवारी समालिसकेकी छन्। यसअघि मन्त्रालयमा औद्योगिक तथा लगानी प्रवर्द्धन महाशाखा प्रमुखको अनुभव लिइसकेकी छन्। बस्नेत गत पुसमा उद्योगको महानिर्देशक भएर गएका थिए। आठ महिनामै उनलाई महानिर्देशकबाट सुरुवा गरिएको हो।