पहिचान नभएका शव डीएनए नमुना सङ्कलन गरी जमिनमुनि व्यवस्थापन गरिने

काठमाडौँ । विनाशकारी रसुवा बाढीमा परी चितवन जिल्लाबाट सङ्कलन गरिएका कुल २३३ शवमध्ये पहिचान हुन नसकेका र बेवारिसे अवस्थामा रहेका २२९ वटा शवहरूलाई जमिनमुनि व्यवस्थापन गरिने भएको छ। हालसम्म ४ वटा शवको मात्र पहिचान भएको र बाँकी शव तथा शवका अवशेषहरू तीव्र रूपमा सड्दै गल्दै गएकाले स्वास्थ्य क्षेत्रका विज्ञहरूले सङ्क्रमण तथा महामारी फैलिन सक्ने जोखिम औँल्याएका छन्।

सोही जोखिमलाई ध्यानमा राख्दै शवहरू थप बिग्रन नदिन र दुर्गन्ध नियन्त्रण गर्न चितवन जिल्ला सुरक्षा समितिको निर्णयअनुसार पहिचान नभएका शवहरूको व्यवस्थापन गर्ने प्रक्रिया अघि बढाइएको जिल्ला प्रशासन कार्यालय चितवनले जनाएको छ।