इंग्ल्यान्डमाथिको जितपछि अर्जेन्टिनी खेलाडीले प्रदर्शन गरे फकल्यान्ड दाबी गर्ने ब्यानर

एजेन्सी । फिफा विश्वकपको सेमिफाइनलमा इंग्ल्यान्डमाथि २–१ को रोमाञ्चक जित निकाल्दै फाइनलमा प्रवेश गरेपछि अर्जेन्टिनाका खेलाडीहरूले मैदानमा 'लास माल्भिनास सन अर्जेन्टिनाज' (माल्भिनास अर्जेन्टिनाकै हो) लेखिएको ब्यानर प्रदर्शन गरेका छन्। अटलान्टामा सम्पन्न खेलको अन्त्यतिर दुई गोल गर्दै फाइनलमा स्थान सुरक्षित गरेपछि अर्जेन्टिनाका डिफेन्डर लिसान्ड्रो मार्टिनेज र मिडफिल्डर जियोभानी लो सेल्सोले मुस्कुराउँदै उक्त ब्यानर प्रदर्शन गरेका थिए।

ब्यानरको सन्देश सन् १९८२ मा बेलायत र अर्जेन्टिनाबीच फकल्यान्ड्स (माल्भिनास) द्वीपसमूहलाई लिएर भएको ४४ दिन लामो युद्धसँग सम्बन्धित छ । सो युद्धमा ९०० भन्दा बढी मानिसले ज्यान गुमाएका थिए। जसमा ६४९ अर्जेन्टिनी र २५५ बेलायती नागरिक तथा सैनिक थिए ।