रेस्टुरेन्टमा आगलागी, ३५ लाख रुपियाँ बराबरको क्षति

कञ्चनपुरको महेन्द्रनगर बजारस्थित एक रेस्टुरेन्टमा आगलागी हुँदा ३५ लाख बराबरको क्षति भएको छ । बुधवार दिउँसो ३ः३५ बजेको समयमा महेन्द्रनगर बजारको गल्ली नम्बर ४ स्थित एमडी रेस्टुरेन्टमा अचानक आगलागी हुँदा ३५ लाख बराबरको धनमाल जलेर नष्ट भएको हो ।

विद्युत्को तार सर्ट भएर लागेको आगो झन्डै एक घण्टापछि नेपाल प्रहरी, नेपाली सेना तथा दमकलको सहायताले नियन्त्रणमा लिइएको जिल्ला प्रहरी कार्यालयका प्रवक्ता प्रहरी नायव उपरीक्षक टेकबहादुर रावतले जानकारी दिनुभयो ।