दूधकोशी जलाशययुक्त जलविद्युत आयोजना यसै वर्ष ठेक्का आव्हान हुने

खोटाङ । खोटाङ र ओखलढुङ्गाको सीमानामा रहेको रभुँवाघाटमा निर्माण हुने ६७० मेगावाट क्षमताको दूधकोशी जलाशययुक्त जलविद्युत आयोजना अन्ततः अघि बढ्ने निश्चित भएको छ । नेपाल सरकारले जेठ १५ गते सार्वजनिक गरेको आर्थिक वर्ष २०८३÷८४ को बजेटमा उक्त आयोजना समावेश भएपछि आयोजना अघि बढ्ने निश्चित भएको हो ।

प्रधानमन्त्री बालेन्द्र शाह नेतृत्वको सरकारका अर्थमन्त्री डा. स्वर्णिम वाग्लेले प्रस्तुत बजेटमा दूधकोशी जलाशययुक्त जलविद्युत आयोजनालाई प्राथमिकताका साथ समावेश गरेका छन् । अर्थमन्त्री वाग्लेका अनुसार यसै आर्थिक वर्ष ठेक्का आव्हान गरी आयोजनाको काम आधिकारिक रूपमा अगाडि बढाइनेछ । नेपाल सरकारले यस आयोजनालाई राष्ट्रिय गौरवको आयोजनाको रूपमा सूचीकृत गरेको छ ।