मुस्लिम बहुल इन्डोनेसियामा किन लोकप्रिय छन् हिन्दू देवता गणेश ?

काठमाडौं । इन्डोनेशियाको बाली टापूमा बसोबास गर्ने ९० प्रतिशत जनसंख्या हिन्दू भए पनि हिन्दूहरु इण्डोनेशियाभर छरिएका छन् । समग्र इण्डोनेशियामा हिन्दूको जनसंख्या दुई प्रतिशत छ । इन्डोनेसियाको समाज र संस्कृतिलाई हेरियो भने धेरै क्षेत्रमा इन्डोनेसियाको हिन्दू इतिहासको झलक देखिन्छ । इन्डोनेसियामा विगतमा धेरै हिन्दू राजवंशहरूले शासन गरेका छन् ।

सातौंदेखि १६ औं शताब्दीको बीचमा इन्डोनेसियामा शासन गर्ने अधिकाशं राजाहरु हिन्दू–बौद्ध थिए । तिनमा मजापहित साम्राज्य र श्री विजया साम्राज्य तिनीहरूमध्ये सबैभन्दा ठूलो थियो । त्यस अवधिमा इन्डोनेसियाली टापूहरु हिन्दू धर्म फैलिएको थियो । टापूमा हिन्दू धर्मसँगै संस्कृत भाषा पनि उलेख्य प्रयोग हुन्थ्यो ।