क्यानडा भर्सेस स्विट्जरल्यान्ड : पहिलो हाफ गोलरहित बराबरीमा

११ असार, काठमाडौं । फिफा विश्वकप २०२६ अन्तर्गत समूह ‘बी’ को खेलमा क्यानडा र स्विट्जरल्यान्डले पहिलो हाफ बराबरी खेलेका छन् । भ्यानकुभरको बिसी प्लेस स्टेडियममा जारी खेलको पहिलो हाफमा दुवैतर्फबाट गोल हुन सकेको छैन ।

समान दुई खेल खेलेका क्यानडा र स्विट्जरल्यान्डले एकमा जित र एकमा बराबरीसहित समान ४ अंक जोडेका छन् । यो खेलमा जित निकाल्ने टोली समूह विजेता बन्दै नकआउटमा प्रवेश गर्नेछ ।

बराबरी भएमा दुवै टोली नकआउटमा पुग्नेछन् । दुई खेल नै खेलेका कतार र बोस्निया एन्ड हर्जगोभिया एक खेल बराबरी र एक खेल हारसहित समान एक अंक जोडेका छन् ।