स्पेनपछि नर्वे र आयरल्याण्डले पनि प्यालेस्टाइनलाई राष्ट्रको रूपमा मान्यता दियो

मड्रिड । स्पेनपछि नर्वे र आयरल्याण्डले प्यालेस्टाइनलाई राष्ट्रको रूपमा मान्यता दिएका छन् । स्पेन, नर्वे र आयरल्याण्ड प्यालेस्टाइनलाई राज्यको रूपमा मान्यता दिने १४० भन्दा बढी देशहरूमा सामेल भएका छन्।

आयरल्याण्डले एक विज्ञप्ति जारी गर्दै भनेको छ, ‘सरकारले प्यालेस्टाइनलाई सार्वभौम र स्वतन्त्र राज्यको रूपमा मान्यता दिन्छ। हामी डब्लिन र रामल्लाहबिच कूटनीतिक सम्बन्ध स्थापना गर्न सहमत भएका छौँ। प्यालेस्टाइनमा आयरल्याण्डको राजदूत नियुक्त गरिनेछ र रामल्लाहमा आयरल्याण्डको दूतावास स्थापना गरिनेछ।’