रोयल च्यालेन्जर्स बेङलुरुलाई आईपीएलको उपाधि

अहमदाबाद । रोयल च्यालेन्जर्स बेङलुरुले इन्डियन प्रिमियर लिग (आईपीएल) क्रिकेटको उपाधि रक्षा गरेको छ । विराट कोहलीले अविजित ७५ रन बनाएपछि बेङलुरुले आइतबार भएको फाइनलमा गुजरात टाइटन्सलाई ५ विकेटले पराजित गरेको हो ।

ओपनर कोहलीले ४२ बल खेली ९ चौका र ३ छक्का प्रहार गरेपछि बेङलुरुले गुजरातको घरेलु मैदान नरेन्द्र मोदी रंगशालामा १ लाख ३० हजार दर्शकमाझ १ सय ५६ रनको लक्ष्य १२ बलअगाडि १ सय ६१ रन बनाउँदै पूरा गर्‍यो । यस प्रतियोगितामा कोहलीको यो पाँचौं अर्धशतक हो ।