शक्तिखोर–फिस्लिङ सडक पुनः सञ्चालन

मुग्लिन । शक्तिखोर–फिस्लिङ सडक खण्डअन्तर्गत कालिका नगरपालिका–९ को कोलारडाँडामा आज (शनिबार) ढुङ्गासहित खसेको पहिरो हटाइएपछि अवरुद्ध सडक पुनः सञ्चालनमा आएको छ ।

सडकमा खसेका ठुला ढुङ्गा र पहिरो हटाई दुईतर्फी सडक सञ्चालन गरिएको कालिका नगरपालिकाका प्रमुख विनोद रेग्मीले जानकारी दिए । पहिरोको जोखिम रहेकाले शक्तिखोर हुँदै उपरदाङगढी, मायाटारलगायतका क्षेत्रमा आवतजावत गर्ने यात्रु तथा सवारी चालकलाई उच्च सतर्कता अपनाएर मात्रै यात्रा गर्न उनले अनुरोध गरे ।