साफ महिला च्याम्पियनसिपको दुबै सेमिफाइनल आज, नेपालको मैदानमा भारतले ब्यहोर्ला 'ब्याक टू ब्याक' पराजय?

काठमाडौं : साफ महिला च्याम्पियनसिप अन्तर्गतको दुबै सेमिफाइनल खेल आज शुक्रवार हुँदैछन्। पहिलो खेलमा बंगलादेश र भुटान र दोस्रो खेलमा नेपाल र भारत प्रतिस्पर्धा गर्दैछन्।

बंगलादेशले समूह चरणमा 'ए' बाट शत प्रतिशत जित निकाल्दै समूह विजेता बनेको थियो। अर्कोतर्फ समूह 'बी' नेपाली टोलीसँग पराजय र श्रीलंकासँग जित निकालेको भुटानी टोली समूह उपविजेता बन्दै पहिलो पटक साफको सेमिफाइनलसम्मको यात्रा तय गरेको थियो। यी दुई टोलीबीच पहिलो सेमिफाइनल खेल दिउँसो १ बजे दशरथ रंगशालामा सुरु हुनेछ।