स्वीट्जरल्याण्ड समूह विजेता बन्दा कतार बाहिरियो, बोस्नियाको भाग्य अन्य समूहको हातमा

काठमाडौँ । फिफा विश्वकप २०२६ अन्तर्गत समूह ‘बी’ को अन्तिम खेलहरू बिहीबार सम्पन्न भएसँगै नकआउट चरणको समीकरण रोचक बनेको छ । क्यानडालाई पराजित गर्दै स्वीट्जरल्याण्ड समूह विजेताको रूपमा अघिल्लो चरणमा प्रवेश गरेको छ भने कतारलाई स्तब्ध पारेको बोस्निया र हर्जगोभिनाको अन्तिम ३२ मा पुग्ने सम्भावना अझै जीवित रहेको छ ।

समूहको शीर्ष स्थानका लागि भएको प्रतिस्पर्धामा स्वीट्जरल्याण्डले क्यानडालाई २–१ गोल अन्तरले पन्छाएको छ । खेलको पहिलो हाफ गोलरहित बराबरीमा सकिए पनि दोस्रो हाफको सुरुवातमै स्वीट्जरल्याण्डले आक्रामक लय समात्यो । ४६ औँ मिनेटमा रुबेन भर्गासले गोल गर्दै टोलीलाई अग्रता दिलाए भने ५७ औँ मिनेटमा जोहान मान्जाम्बीले अग्रता दोब्बर पारे । क्यानडाका लागि ७६ औँ मिनेटमा प्रमिस डेभिडले एक गोल फर्काए पनि टोलीलाई जिताउन पर्याप्त भएन । ७ अंकका साथ स्वीट्जरल्याण्ड समूह विजेता बन्यो भने हारका बाबजुद क्यानडा ४ अंकसहित उपविजेताका रूपमा अघिल्लो चरण प्रवेश गर्‍यो ।