यस्ता छन्, राष्ट्रिय आविष्कार केन्द्रले वीरगन्जस्थित कृषि औजार कारखानामा बनाएका १४ प्रकारका मसिन

काठमाडौँ । वीरगन्जस्थित कृषि औजार कारखानालाई पुन: सञ्चालनमा ल्याउन राष्ट्रिय आविष्कार केन्द्रले तीव्र रूपमा काम गरिरहेको छ । त्यस क्रममा केन्द्रले कृषि क्षेत्रका लागि आवश्यक आधुनिक प्रविधि र उपकरणहरू बनाउने काम समेत गर्दै आएको छ ।

कीर्तिपुरस्थित राष्ट्रिय आविष्कार केन्द्रमा कृषि औजारहरूको अनुसन्धान हुने र वीरगन्जमा तिनको व्यावसायिक उत्पादन गर्ने गरी कार्य विभाजन गरिएको छ । हालसम्म कृषि औजार कारखानाले मकै, धान र आलु रोप्ने मसिन, अगरबत्ती र गमला बनाउने मसिन, चिया सुकाउने मसिन, टुथपिक बनाउने मसिन, दाना बनाउने मसिन र हाते ट्याक्टर जस्ता उपकरणहरू तयार पारिसकेको छ ।

यद्यपि, यी मसिनहरूको बिक्री मूल्य र विस्तृत प्राविधिक विवरण (स्पेसिफिकेसन) भने तय हुन बाँकी छ । कारखानामा तयार पारिएका केही नमुना उपकरणहरू प्रदर्शनीका लागि कीर्तिपुरस्थित राष्ट्रिय आविष्कार केन्द्रमा राखिएका छन् । जसमध्ये केही कृषि औजारहरू यहाँ तस्विरमा समेत हेर्न सक्नु हुनेछ ।

पछिल्लो अध्यावधिक: जेठ १८, २०८३ ७:४३

टिप्पणीहरू