सामुदायिक विद्यालयको शैक्षिक गुणस्तर सुधार हुनुपर्छ : ऐन महर

प्रतिनिधिसभा सदस्य ऐनबहादुर महरले सरकारले सामुदायिक विद्यालयको गुणस्तर अभिवृद्धिलाई प्राथमिकता दिनुपर्ने बताएका छन्।

सञ्चारकर्मीसँग कुरा गर्दै उनले सामुदायिक विद्यालयको शैक्षिक गुणस्तर सुधार भए अभिभावकले महँगो शुल्क तिरेर निजी विद्यालयमा छोराछोरी पढाउनुपर्ने अवस्था नरहने बताए। अहिले पनि केही उत्कृष्ट सामुदायिक विद्यालयमा भर्ना पाउन कठिनाइ रहेको भन्दै उनले सबै सार्वजनिक विद्यालयमा गुणस्तर कायम गर्न सरकार लागि पर्नुपर्ने बताएका छन्।