बोले झलनाथ- प्रधानमन्त्रीको अभिव्यक्ति ‘राष्ट्रघाती’

काठमाडौँ । पूर्वप्रधानमन्त्री तथा नेकपाका वरिष्ठ नेता झलनाथ खनालले प्रधानमन्त्री वालेन्द्र शाहले प्रतिनिधिसभामा दिएको सीमासम्बन्धी अभिव्यक्तिप्रति कडा आपत्ति जनाएका छन्। सामाजिक सञ्जालमार्फत आफ्नो कडा प्रतिक्रिया दिँदै नेता खनालले प्रधानमन्त्रीको उक्त भनाइलाई ‘गम्भीर, दुःखद, गलत र राष्ट्रविरोधी’ को संज्ञा दिएका हुन्।

नेपाली जनता विगतदेखि नै विदेशी अतिक्रमणविरुद्ध निरन्तर संघर्षरत रहेको उल्लेख गर्दै नेता खनालले देशमाथि भइरहेको बाह्य अतिक्रमणलाई सामान्यीकरण गर्ने वा हलुका बनाउने खालका अभिव्यक्तिले राष्ट्रिय भावनामाथि गम्भीर आघात पुग्ने बताएका छन्। प्रधानमन्त्रीले कुन तथ्य, प्रमाण र दस्तावेजका आधारमा नेपालले पनि भारतको भूमि मिचेको भनी अभिव्यक्ति दिएका हुन् भन्ने प्रश्न समेत उनले उठाएका छन्।