एटलान्टामा मोरक्को र हाइटीको सनसनीपूर्ण प्रदर्शन, पहिलो हाफमै ४ गोल

काठमाडौँ । फिफा विश्वकप २०२६ अन्तर्गत समूह ‘सी’ को अन्तिम खेलमा मोरक्को र हाइटीबिच एटलान्टा स्टेडियममा निकै प्रतिस्पर्धात्मक र रोमाञ्चक खेल भइरहेको छ । पहिलो हाफको खेल सकिँदासम्म दुवै टोलीले २–२ गोलको बराबरी खेल्दै दर्शकहरूलाई सनसनीपूर्ण फुटबलको स्वाद चखाएका छन् । सुरुवाती अग्रता र त्यसपछिको निरन्तर पुनरागमनले खेललाई निकै तनावपूर्ण र रोचक बनाएको छ ।

खेलको सुरुवात मोरक्कोका लागि सुखद रहेन । १० औँ मिनेटमा मोरक्कोका गोलकिपर यासिन बोनोले आत्मघाती गोल गर्न पुगेपछि हाइटीले अप्रत्याशित रूपमा सुरुवाती अग्रता लिएको थियो । तर, ३९ औँ मिनेटमा मोरक्कोका भरपर्दा डिफेन्डर अचराफ हाकिमीले उत्कृष्ट गोल गर्दै खेललाई १–१ को बराबरीमा ल्याए । मोरक्को खेलमा फर्किएको केही मिनेटमै ४३ औँ मिनेटमा हाइटीका विल्सन इसिडोरले गोल गरेर टोलीलाई पुनः २–१ को अग्रता दिलाए ।