लालीबजार : विभेदविरुद्धको आवाज

हाम्रो समाजको कुनै कुनामा रहेका निकै डरलाग्दा दु:ख भनौं वा डर लाग्दा सत्यलाई एउटा चेलीले बाँच्नका लागि के-के गर्नुपर्छ भन्ने यथार्थ बोल्ने साहसी सिनेमा हो-लालीबजार।

नेपाली चलचित्र क्षेत्रमा पछिल्लो समयदेखि केही सामाजिक यथार्थमा आधारित कथावस्तु देखिन थालेका छन्। ‘लालीबजार’ले पनि समाजको पीडा, विभेद साथै चेलीबेटीमाथिको ऐतिहासिक अन्यायलाई पस्किने साहस गरेको छ। यो सिनेमा मनोरञ्जन मात्र होइन, हाम्रो समाजको कुनै कुनामा घटेका यथार्थलाई दर्शकमाझ ल्याउने एउटा प्रयास पनि हो। हुन पनि कथा, साहित्य र चलचित्रले शब्दका रूपमा कथा तथा दृश्यका रूपमा यथार्थ उजागर गरी समाजलाई बदल्ने माध्यमको काम गर्छन्।