जलवायु सङ्कट र विपद् व्यवस्थापनमा चुकेको बजेट : हरित लगानीको ठुलो अवसर गुम्ने खतरा

काठमाडौँ । आर्थिक वृद्धि र भौतिक पूर्वाधार निर्माणमा बढी केन्द्रित देखिएको बजेट नेपालले भोगिरहेको जलवायु सङ्कट र सामाजिक समावेशीकरणका सवालमा भने चुकेको छ।

सडकलाई जलवायुमैत्री बनाउने र चुरे पुनर्भरण गरेर मधेसको पानी हाहाकार कम गर्ने विषय अनुकूलनका दृष्टिकोणबाट सकारात्मक भए पनि क्लाइमेट स्मार्ट एग्रिकल्चर, जलवायुजन्य बिमा र जलवायुमैत्री पूर्वाधार निर्माणलाई बजेटले आत्मसात् गर्न सकेको छैन।