अन्नपूर्ण मिडियाको कार्यकारी निर्देशकमा ऐरी

काठमाडौं : अन्नपूर्ण मिडिया नेटवर्कको कार्यकारी निर्देशकमा लालबहादुर ऐरी नियुक्त भएका छन् । अन्नपूर्ण मिडिया नेटवर्क व्यवस्थापनको निर्णयअनुरुप साउन १ गतेदेखि लागू हुने गरी ऐरीलाई कार्यकारी निर्देशक पदमा नियुक्त गरिएको हो ।

अन्नपूर्ण मिडियाको मुख्यालयमा बिहीबार आयोजित एक समारोहमा अन्नपूर्ण मिडिया नेटवर्कका अध्यक्ष क्याप्टेन रामेश्वर थापा, प्रधान सम्पादक बालकृष्ण बस्नेत, ग्रुपका सीईओ पंकज बास्कोटासहितले नव नियुक्त कार्यकारी निर्देशक ऐरीलाई स्वागत गरेका थिए । ऐरी यसअघि गोरखापत्र संस्थानको महाप्रबन्धक थिए ।