भ्रमणमा रहेका खनालको मस्तिष्कघातले निधन

पोखरा । ‘जाऔं पोखरा पोखरा’ अभियानअन्तर्गत भ्रमणमा रहेका होटल संघ पोखरा नेपालका कार्यालय प्रमुख रामप्रसाद खनालको मस्तिष्कघातका कारण निधन भएको छ । उनलाई गत आइतबार पाल्पा पुगेको बेला मस्तिष्कघात भएपछि भैरहवास्थित यूनिभर्सल कलेज अफ मेडिकल साइन्समा भर्ना गरिएको थियो । उपचारका क्रममा बुधबार उनको निधन भएको भएको अस्पतालले जनाएको छ ।

गोरखा जिल्लाको आरुघाट भएर भएका ४१ वर्षीय खनाल विगत १५ वर्षदेखि होटल संघ पोखरा नेपालको कार्यालय प्रमुख भई कार्यरत रहेको संघका अध्यक्ष लक्ष्मण सुवेदीले जानकारी दिए । संघले उनको निधनमा दुःख व्यक्त गर्दै शोक विज्ञप्ति जारी गरेको छ । स्वर्गीय खनालका श्रीमती र एक छोरी छन् ।