भूमिहीनको आवास अधिकारमा महानगरको जोड

काठमाडौं । काठमाडौं महानगरपालिका र भूमि समस्या समाधान समितिबीच भएको दोस्रो बैठकले भूमिहीन दलित, भूमिहीन सुकुम्बासी, अव्यवस्थित बसोबासी तथा स्वबासीका आवाससम्बन्धी अधिकार सुनिश्चित गर्न एकीकृत नीति र प्रक्रिया आवश्यक रहेको निष्कर्ष निकालेको छ।

बैठकमा महानगरपालिकाकी कार्यवाहक प्रमुख सुनिता डंगोलले आवासको अधिकारबाट वञ्चित परिवारलाई कुनै पनि आधारमा विभेद गर्न नहुने बताउँदै सबैका लागि समान दृष्टिकोण अपनाएर काम गर्नुपर्ने धारणा राखिन्। उनका अनुसार समस्या केवल जग्गाको स्वामित्वसँग मात्र सम्बन्धित नभई दिगो रूपमा आवासको अधिकार सुनिश्चित गर्ने विषयसँग जोडिएको छ।