चक्रवात ‘अर्नब’बाट भारतको आन्ध्र प्रदेशमा पाँचजनाको मृत्यु

काठमाडौं । भारतको आन्ध्र प्रदेशमा चक्रवात ‘अर्नब’का कारण पाँचजनाको मृत्यु भएको छ । घर, कृषिबाली र पूर्वाधारमा क्षति पुगेको छ । तेलंगाना राज्य सरकारले पुनःस्थापनाका काममा सहयोग गर्ने जनाएको छ ।

भारत मौसम विज्ञान विभागका अनुसार बुधबार बिहान तटीय क्षेत्र पार गरेको चक्रवातको तीव्रता घटेर ‘अति भीषण’बाट ‘भीषण’मा झरेको छ । चक्रवातका कारण आन्ध्र प्रदेशको उत्तरी भाग र ओडिसाको दक्षिणी क्षेत्रमा तीव्र हावाहुरी र वर्षा भएको छ ।