अहिले 'अर्नव' चक्रवातले नेपालको मौसममा कस्तो प्रभाव पारिरहेको छ ?

‘अर्नव’ चक्रवातको अवशिष्ट प्रभावका कारण नेपालमा आज रातिदेखि वर्षा र हिमपातको गतिविधि बढ्ने मौसमविद्ले बताएका छन्। मौसम पूर्वानुमान महाशाखाका मौसमविद् हरिप्रसाद दाहालका अनुसार आगामी दुई दिन देशका विभिन्न क्षेत्रमा वर्षा र हिमपातको सम्भावना छ।

दाहालका अनुसार अर्नव चक्रवात जमिनमा प्रवेश गरेपछि कमजोर हुँदै अहिले न्यून चापीय प्रणालीको अवस्थामा पुगेको छ। यसको अवशिष्ट प्रणाली भारतको छत्तीसगढ आसपास रहेको छ। उक्त प्रणालीको प्रभावले हाल नेपालभर सामान्यतया बादल लागेको अवस्था छ।