टेम्केमैयुङमा ५०० परिवारलाई विद्युतीय चुलो वितरण

काठमाडौं – भोजपुरको टेम्केमैयुङ गाउँपालिकाले स्वच्छ ऊर्जाको प्रयोग बढाउने र दाउरा तथा खाना पकाउने ग्यासमाथिको निर्भरता घटाउने उद्देश्यले स्थानीयवासीलाई विद्युतीय चुलो वितरण गरेको छ ।

गाउँपालिकाको पहलमा वैकल्पिक ऊर्जा प्रवर्द्धन केन्द्रको ७० प्रतिशत अनुदानमा पहिलो चरणमा ५०० वटा इन्डक्सन चुलो वितरण गरिएको गाउँपालिका अध्यक्ष सरोज बस्नेतले जानकारी दिए । चुलो खरिदमा स्थानीय उपभोक्ताले ३० प्रतिशत लागत साझेदारी गरेका छन् ।