दुर्घटनामा घाइते महिलाको नि*धन, ठक्कर दिएर भाग्ने गाडी नियन्त्रणमा

अघिल्लो बिहान गाडीको ठक्करबाट घाइते भएकी महिलाको उपचारका क्रममा निधन भएको छ। बुधबार बिहान ५ः३५ बजे मदन भण्डारी लोकमार्गअन्तर्गत बेलका नगरपालिका-९ रामपुरमा घाइते अवस्थामा भेटिएकी महिलाको उपचारका क्रममा निधन भएको हो।

प्रहरीका अनुसार रामपुर बजारको झण्डाचोकस्थित सडकमा गम्भीर घाइते अवस्थामा भेटिएकी सोही ठाउँकी ५६ वर्षीया लक्ष्मीमाया राईलाई स्थानीय अस्पतालमा प्राथमिक उपचारपछि थप उपचारार्थ विराटनगर पठाइएको थियो। तर, साँझ उपचारकै क्रममा उनको निधन भएको जिल्ला प्रहरी कार्यालय उदयपुरले जनाएको छ।