१९ दिनको पैदल यात्रा, अटुट संकल्पको जितः काठमाडौंबाट पाथीभरा पुगे बैतडीका प्रशान्त

सुदूरपश्चिमको बैतडीका एक युवाले काठमाडौंबाट हिँडेरै १९ दिनको अवधिमा ताप्लेजुङस्थित पाथीभरा मन्दिरको दर्शन गरेका छन्।

काठमाडौंबाट हिँडेको १८ औं दिनमा पाथीभरा क्षेत्रस्थित माथिल्लो फेदी आएर बसेका बैतडीको पुर्चौडी नगरपालिकाका प्रशान्त ढुङ्गेलले १९ औं दिनमा ३ हजार ७९४ मिटर उचाइको पाथीभरा मन्दिर दर्शन गरेका हुन्। काठमाडौंबाट पदयात्रामै ताप्लेजुङस्थित पाथीभरा मन्दिरको दर्शनका लागि आएका ढुङ्गेललाई पाथीभरा क्षेत्र विकास समितिले पाथीभरा मन्दिर अंकित मायाको चिनो प्रदान गर्दै स्वागत गरेको छ।