इनर्जी ड्रिंक्स सेवनमा सावधानी अपनाउन खाद्य प्रविधि विभागको आग्रह, लेबलमा चेतावनी राख्न निर्देशन

खाद्य प्रविधि तथा गुण नियन्त्रण विभागले इनर्जी ड्रिंक्स (ऊर्जायुक्त पेय) को उत्पादन तथा बिक्रीवितरण गर्दा उपभोक्ताको स्वास्थ्यलाई प्राथमिकता दिन उत्पादक, विक्रेता र सरोकारवालालाई आग्रह गरेको छ।

विभागले यस्ता पेय सेवन गर्दा क्याफिनको मात्रा, सुरक्षित उपभोग र लेबलमा उल्लेख गरिएका चेतावनीमा ध्यान दिन उपभोक्तालाई अनुरोध गरेको हो।