सपना अधुरै, मनकुमार बाकसमा फर्किंदै

उर्लाबारी । परिवारको आर्थिक अवस्था सुधार्ने र सुखद भविष्य निर्माण गर्ने सपना बोकेर कतार पुगेका मोरङको उर्लाबारी नगरपालिका–९, चक्रेटोलका ३३ वर्षीय मनकुमार लम्जेलको शव काठमाडौं आइपुगेको छ। उनको पार्थिव शरीर घर ल्याउने तयारी भइरहेको छ।

वैदेशिक रोजगारीका लागि परदेशिएका मनकुमारको कतारमा मृत्यु भएको हो। परिवारका अनुसार, उनी साँझ खसीको मासुसहित खाना खाएर सुतेका थिए। भोलिपल्ट बिहान ओछ्यानमै मृत अवस्थामा फेला परे। उनको मृत्युको कारण भने खुल्न सकेको छैन।