विपद् प्रभावित क्षेत्रको यथार्थ विवरण उपलब्ध गराउन संसदीय समितिको निर्देशन

काठमाडौं । भोटेकोशी एवम् कालीगण्डकी करिडोर विपद्सम्बन्धी अध्ययन तथा अनुगमन संसदीय विशेष समितिले विपद् प्रभावित क्षेत्रको यथार्थ र आधिकारिक विवरण एकदेखि दुई दिनभित्र उपलब्ध गराउन सुरक्षा निकायका प्रमुखहरूलाई निर्देशन दिएको छ ।

समितिको बैठकमा भोटेकोशी एवम् कालीगण्डकी करिडोर क्षेत्रमा गएको विपद्, त्यसबाट भएको मानवीय क्षति र प्रभावित नागरिकको अवस्थाबारे नेपाली सेना, सशस्त्र प्रहरी बल नेपाल र नेपाल प्रहरीका प्रमुखहरूसँग छलफल गरिएको हो ।