लिमी उपत्यकामा हिमपात, नाका अवरुद्ध हुँदा खाद्यान्न संकट

१२ कात्तिक, सुर्खेत । हिमपातले प्राकृतिक नाकाबन्दीमा परेको हुम्लाको नाम्खा गाउँपालिका–६ स्थित हिमालपारिको लिमीका तीन बस्तीमा खाद्यान्न अभाव हुन थालेको छ । खाद्य व्यवस्था तथा व्यापार कम्पनी लिमिटेडको ढुवानी अनुदानको खाद्यान्न एक वर्षदेखि नपुगेपछि तिल, हल्जी र जाङ गाउँका स्थानीय खाद्यान्न संकटमा परेका हुन् ।

लिमीको हल्जी गाउँमा खाद्यान्न बिक्री केन्द्र भए पनि त्यहाँ हालसम्म खाद्यान्न पुग्न सकेको छैन । बिक्री केन्द्रमा खाद्यान्न नहुँदा स्थानीयले सरकारी अनुदानको खाद्यान्न खरिद गर्न पाएका छैनन् ।