नेपालीमूलका प्रहरी अधिकारी विकास भारतीलाई अस्ट्रेलियाको राष्ट्रिय वीरता पुरस्कार

काठमाडौं । अस्ट्रेलियाको न्यु साउथ वेल्स (एनएसडब्ल्यू) प्रहरीमा कार्यरत नेपाली मूलका वरिष्ठ कन्स्टेबल विकास भारतीले सन् २०२६ को राष्ट्रिय प्रहरी वीरता पुरस्कार प्राप्त गरेका छन् ।

अस्ट्रेलियाली प्रहरी महासंघले अक्टोबर २८ मा राजधानी क्यानबेरामा आयोजित कार्यक्रममा भारतीलाई उक्त पुरस्कार प्रदान गरेको हो । उनी न्यु साउथ वेल्स प्रहरीको बुरवुड प्रहरी क्षेत्रीय कमान्डमा कार्यरत छन् ।