उत्तर कोरियाले प्रहार गर्‍यो १० ब्यालेस्टिक क्षेप्यास्त्र

काठमाडौँ- उत्तर कोरियाले बिहीबार आफ्नो पूर्वी तटतर्फ करिब १० वटा ब्यालेस्टिक क्षेप्यास्त्र प्रहार गरेको दक्षिण कोरियाली सेनाले जनाएको छ। दुई देशबीच सीमामा तनाव बढिरहेका बेला उत्तर कोरियाले यस्तो कदम चालेको दक्षिण कोरियाली सञ्चारमाध्यमले जनाएका छन्।

दक्षिण कोरियाली सेनाको संयुक्त प्रमुख समितिका अनुसार उत्तर कोरियाको पूर्वी तटीय सहर वोनसानबाट छोटो दूरीका करिब १० वटा ब्यालेस्टिक क्षेप्यास्त्र प्रहार गरिएका थिए। ती क्षेप्यास्त्रले करिब २५० किलोमिटर (१५५ माइल) दूरी तय गरेका थिए।