मतदाता नामावली अद्यावधिक गर्न आयोग र विभागबिच समझदारी

काठमाडौँ। मतदाता नामावलीलाई थप शुद्ध, विश्वसनीय र व्यवस्थित बनाउन निर्वाचन आयोग र राष्ट्रिय परिचयपत्र तथा पञ्जीकरण विभागबिच समझदारी पत्रमा हस्ताक्षर भएको छ ।

विभाग मातहत रहेको ‘व्यक्तिगत घटना दर्ता तथा सामाजिक सुरक्षा व्यवस्थापन सूचना प्रणाली’ मा रहेका व्यक्तिगत विवरणहरूलाई मतदाता नामावली अद्यावधिक तथा प्रमाणीकरण कार्यमा उपयोग गर्न दुई निकायबिच समझदारी भएको हो।