टिकटकर तुलसा अधिकारी थुनामै रहने

टिकटकमार्फत चर्चामा आएकी तुलसा अधिकारीलाई थुनामा राख्ने जिल्ला अदालत ललितपुरको आदेशलाई उच्च अदालत पाटनले पनि निरन्तरता दिएको छ। उच्च अदालतले जिल्ला अदालतको निर्णय कानुनविपरीत नदेखिएको ठहर गर्दै त्यसलाई सदर गरेको हो।

न्यायाधीशद्वय खड्कबहादुर केसी र केशवप्रसाद अधिकारीको संयुक्त इजलासले अधिकारीको निवेदनमाथि सुनुवाइ गर्दै जिल्ला अदालतको आदेश परिवर्तन गर्नुपर्ने आधार नभएको निष्कर्ष निकालेको हो।