सोमपालको विस्फोटक अर्धशतकमा कर्णालीको लगातार दोस्रो जित

काठमाडौँ- कप्तान सोमपाल कामीको विस्फोटक अर्धशतक र चार विकेटको उत्कृष्ट प्रदर्शनमा कर्णाली याक्सले नेपाल प्रिमियर लिग (एनपीएल) मा विराटनगर किंग्सलाई ४ विकेटले पराजित गरेको छ।

विराटनगरले दिएको १८७ रनको लक्ष्य कर्णालीले अन्तिम दुई बल बाँकी छँदा ६ विकेट गुमाएर पूरा गर्‍यो। कर्णालीको यो लगातार दोस्रो जित हो। यसअघि उसले जनकपुर बोल्ट्सलाई १९ रनले हराएको थियो। विराटनगरले भने लगातार दोस्रो हार बेहोरेको छ।