चार विकेट र ६२ रनपछि सोमपालले सुनाए कर्णालीको रोमाञ्चक जितको कथा

नेपाल प्रिमियर लिग (एनपिएल) २०२६ मा कर्णाली याक्सका कप्तान सोमपाल कामीले आफ्नो अलराउन्ड प्रदर्शनबाट टोलीलाई अविश्वसनीय जित दिलाएका छन्।

बिहीबार राति कीर्तिपुरस्थित त्रिवि मैदानमा विराटनगर किंग्सविरुद्ध बलिङमा ४ विकेट लिएका सोमपालले ब्याटिङमा अविजित ६२ रन बनाएपछि कर्णालीले १८७ रनको लक्ष्य पछ्याउँदै ४ विकेटको रोमाञ्चक जित निकालेको थियो। सोमपालले यो प्रदर्शनलाई आफ्नो क्रिकेट करिअरका विशेष क्षणमध्ये एक मानेका छन्।