पोखरा र थाइल्यान्डका व्यवसायीबिच सहकार्य र लगानी विस्तारमा छलफल

कास्की । पोखरा र थाइल्यान्डका उद्योगी व्यवसायीबिच व्यावसायिक साझेदारी विस्तार, द्विपक्षीय लगानी वृद्धि तथा पर्यटन, सूचना प्रविधि र व्यापारका क्षेत्रमा सहकार्यका बारेमा छलफल भएको छ ।

थाइल्यान्डको उद्योग मन्त्रालयका सल्लाहकार दीपेन्द्र देसार नेतृत्वको प्रतिनिधिमण्डल र पोखरा उद्योग वाणिज्य सङ्घका पदाधिकारीबिच बिहीबार भएको छलफल तथा अन्तर्क्रियामा द्विपक्षीय सहकार्य गरेर अघि बढ्ने सहमति भएको हो ।