टिकटकर तुलसा अधिकारीलाई अर्को झट्का, उच्च अदालतले पनि थुनामुक्त गर्न मानेन

काठमाडौं- व्यवसायी तथा टिकटकर तुलसा अधिकारीलाई थुनामुक्त गर्न उच्च अदालत पाटनले अस्वीकार गरेको छ । जिल्ला अदालत ललितपुरले पुर्पक्षका लागि थुनामा राख्न दिएको आदेश उच्च अदालतले समेत सदर गरेसँगै अधिकारी तत्काल रिहा नहुने भएकी हुन् ।

बिहीवार उच्च अदालत पाटनका न्यायाधीशद्वय खड्कबहादुर केसी र केशवप्रसाद अधिकारीको संयुक्त इजलासले जिल्ला अदालतको आदेश परिवर्तन गर्नुपर्ने आधार नदेखिएको ठहर गरेको हो ।