एआईकै कारण संकटमा गुगल, एकैदिन ५०० अर्ब डलरभन्दा बढी बजार मूल्य गुम्यो

काठमाडौं । प्रविधि क्षेत्रमा कृत्रिम बुद्धिमत्ता (एआई) को प्रतिस्पर्धा तीव्र बन्दै जाँदा गुगलको मूल कम्पनी अल्फाबेट आर्थिक दबाबमा परेको छ । कम्पनीको पछिल्लो वित्तीय विवरण सार्वजनिक भएपछि लगानीकर्ताको विश्वास कमजोर हुँदा बिहीबार अल्फाबेटको बजार मूल्य एकैदिन ५०० अर्ब अमेरिकी डलरभन्दा बढीले घटेको छ ।

कम्पनीको सेयर मूल्य पछिल्लो ६ महिनायताकै न्यून बिन्दुमा झरेपछि यो गिरावट आएको हो । विशेष गरी गुगलको सर्च इन्जिनमा एआईबाट तयार पारिने सारांशले परम्परागत विज्ञापन व्यवसायको आम्दानी घटाउन सक्ने संकेतले लगानीकर्तालाई चिन्तित बनाएको छ ।