सिँचाइ विभागका डीजी र सुनकोशी मरिणका आयोजना प्रमुख प्रधानमन्त्री कार्यालयको नियन्त्रणमा

काठमाडौँ । जलस्रोत तथा सिँचाइ विभागका महानिर्देशक दिनेश रजौरिया र सुनकोसी मरिण डाइभर्सन बहुउद्देश्यीय आयोजनाका निर्देशक कृष्णप्रसाद रिजाललाई प्रधानमन्त्रीको कार्यालयले नियन्त्रणमा राखेको छ । बिहीबार प्रहरीले रजौरियालाई सिरहाको लहान र आयोजना प्रमुख (सहसचिव) रिजाललाई सिन्धुलीबाट पक्राउ गरेर काठमाडौँ पठाएको थियो ।

प्रहरीका एकजना अधिकृत भन्छन्, ‘पक्राउ गरेर हामीले काठमाडौँ पठाएका थियौँ ।’ उनीहरू अहिले प्रहरीको कुनै पनि युनिटमा छैनन् । प्रहरीको स्रोतका अनुसार दुवै जनालाई सिंहदरबार स्थित प्रधानमन्त्री तथा मन्त्रिपरिषद्को कार्यालयमा नियन्त्रणमा राखिएको छ ।