शिक्षकको जागिर छोडेर कागती खेतीतर्फ

स्याङ्जा । स्थायी शिक्षकको सुरक्षित जागिर धेरैका लागि जीवनभरको सपना हुन्छ । तर स्याङ्जाको गल्याङ नगरपालिका–९, चितडाँडाका ५५ वर्षीय पर्शुराम खनालले भने जागिरमा अझै १० वर्ष सेवा अवधि बाँकी रहँदै त्यसलाई त्यागेर व्यावसायिक कृषि रोज्नुभयो । अहिले उहाँको रोजाइ बनेको छ– कागती खेती । प्राथमिक तहमा करिब ३० वर्ष स्थायी शिक्षकको रुपमा सेवा गर्नुभएका खनालले पाँच वर्षअघि शिक्षण पेसाबाट अवकाश लिएर कृषि क्षेत्रमा पूर्ण रुपमा होमिनुभएको हो ।

शुरुमा सातजना मिलेर ५ सय रोपनी बाँझो जमिन खरिद गरी ‘साउथ एसियन मल्टी एग्रो फार्म’ स्थापना गरेर सुन कागती–१ जातको व्यावसायिक खेती शुरु गरिएको थियो । पछि अन्य साझेदार अलग भएपछि खनालले अहिले एक्लै फार्म सञ्चालन गरिरहनुभएको छ ।