भुटानमा हिमताल फुट्दा तातोपानीको कुण्ड बगायो, भारतका सीमावर्ती क्षेत्रमा सतर्कता

भुटानको गासा जिल्लामा बिहीबार राति शिन्ताफू हिमताल फुट्दा ठूलो बाढी आएको छ। बाढीका कारण मानवीय क्षतिको विवरण नआएपनि चर्चित तातोपानी कुण्ड ‘गासा त्शाचु’ बगाएको छ। हिमताल फुटेर आएको बाढी अर्थात् ‘ग्लेसियल लेक आउटबर्स्ट फ्लड’ (जीएलओएफ) का कारण सिमावर्ती भारतमा उच्च सतर्कता अपनाइएको छ।