शनिबार अपराह्नपछि चक्रवात ‘अर्नब’को प्रभाव घट्ने, आज देशभर वर्षा र हिमपातको सम्भावना

काठमाडौं– नेपालमा चक्रवात ‘अर्नब’को प्रभाव शनिबार अपराह्नपछि क्रमशः कम हुँदै जाने मौसम पूर्वानुमान महाशाखाले जनाएको छ। महाशाखाका अनुसार शनिबार अपराह्नदेखि वर्षाको गतिविधि पनि घट्दै जानेछ।

महाशाखाका अनुसार हाल कोशी, मधेस, बागमती र गण्डकी प्रदेशका धेरै स्थानमा तथा लुम्बिनी, कर्णाली र सुदूरपश्चिम प्रदेशका एक–दुई स्थानमा हल्का वर्षा भइरहेको छ। मौसमविद् डेभिड ढकालले शनिबार अपराह्नदेखि चक्रवातको प्रभाव क्रमिक रूपमा कम हुने भए पनि मौसमसम्बन्धी सूचनामा अद्यावधिक रहन आग्रह गरेका छन्।